Instalación itinerante do triángulo negro
A partir desta edición da campaña poñemos a instalación expositiva do triángulo negro de En negro contra as violencias á disposición de todos aqueles concellos que o queiran solicitar.
A peza foi unha iniciativa da Concellaría de Igualdade do Concello de Santiago, co patrocinio da Fundación Paideia, Finsa e Gadis. Ten como obxectivo principal ir máis alá das mensaxes dos materiais de campaña, amosar a realidade da problemática das violencias machistas e invitar a participar á veciñanza escribindo e compartindo historias.
A instalación consta de tres partes:
Información: o interior conten seis paneis con datos e infografías sobre a repercusión das agresións machistas. Transmiten de forma sinxela e gráfica a realidade desta problemática, con información en galego, castelán e inglés.
Memoria: durante as edicións pasadas de En Negro xeráronse diversos materiais audiovisuais, tanto documentais como pezas audiovisuais, e despois do 25N deste ano, se podería incorporar novo material ao loop, de 45’ de duración.
Participación: constrúese unha acción participativa a partir da coñecida ‘árbore dos desexos’ de Yoko Ono que, á súa vez, estaba inspirada nunha tradición india de encher unha choza cos desexos da comunidade entre as madeiras. Esta obra ten como obxectivo recoller as esperanzas e as denuncias (ou experiencias) da xente.
Os municipios interesados han de facerse cargo dos portes de transporte, instalación, mantemento e desmontaxe do triángulo, así como do seguro de responsabilidade civil. Tedes máis información no dossier. Para solicitar a instalación nos concellos o mail de contacto é ennegrocontraaviolencia@gmail.com
Despregable editado polo Concello de Santiago sobre as Violencias machistas